ថៅកែបេនឡានក្រុងបានលុង រងការចោទប្រកាន់ទារលុយភាស៊ីលើសកំណត់ពីសៀវភៅបន្ទុក
24-December-2015 | ដោយ មួយឡា
រតនគីរី៖ យោងតាមការបញ្ជាក់របស់ក្រុមអ្នករត់តាក់ស៊ីក្រុងបានលុង នាថ្ងៃទី២៣ ខែធ្នូ ឆ្នាំ២០១៥ បានអោយដឹងថា សព្វថ្ងៃពួកគាត់ជួបការលំបាកខ្លាំងណាស់ដោយថៅកែបេនឡានលោកស្រី ឈុន ម៉ៅ បានអនុវត្តទារលុយភាស៊ីលើសកំណត់ដោយពុំមានការសហការជាមួយអាជ្ញាធរណាឡើយ គឺរាប់ក្បាលឡានទារលុយតែម្ដង ច្បាប់កំណត់ឡាន១ បង់ពី៤០០០ ទៅ៥០០០រៀល តែគាត់បែរជាទារ១០០០០រៀល ទៅវិញ ហេតុនេះធ្វើអោយក្រុមអ្នករត់តាក់ស៊ីមិនចូលបេន។
ក្រុមអ្នករត់តាក់ស៊ីបានបញ្ជាក់ទៀតថា រាល់ថ្ងៃពួកគាត់មិនមែនបង់តែមួយកន្លែងនឹងចប់ទេ គឺនៅតាមដងផ្លូវជាច្រើនដូចជា នគរបាលចរាចរណ៍ នគរបាលពិនិត្យអាវុធជាតិផ្ទុះ និងអាវុធហត្ថក្រុងដែលដាក់ចរាចរណ៍តាមដងផ្លូវធ្វើអោយមានការរអ៊ូរទាំពីអ្នកជិះ។
តាមការបញ្ជាក់របស់លោក ឡាយ ពិសិដ្ឋ ប្រធានសន្តិសុខបេនបានអោយដឹងថា ក្រុមរបស់ពួកលោកគឺបានទារលុយអនុវត្តតាមសៀវភៅបន្ទុកមិនបានអនុវត្តដូចការចោទប្រកាន់របស់អ្នករត់តាក់ស៊ីទាំងនោះឡើយ។
ជុំវិញករណីខាងលើនេះ លោក ផន សុផៃ នាយការិយាល័យសន្តិសុខសណ្ដាប់ធ្នាប់នៃស្នងការនគរបាលខេត្តរតនគីរីបានបញ្ជាក់អោយដឹងថា បច្ចុប្បន្នកងកំលាំងរបស់លោក បានអនុវត្តដោយសហការជាមួយនឹងអាវុធហត្ថក្រុងបានយ៉ាងស្អិតរមួតក្នុងការបំពេញការងារស្របតាមការចាត់តាំង តែវាមានការចន្លោះប្រហោងខ្លះដូចជាកងកំលាំងផុតពេលម៉ោងការងាររដ្ឋបាល ពោលគឺ ពេលសំរាកឆ្លៀតពេលនេះធ្វើអោយមានភាពរញ៉េរញ៉ៃ បណ្ដាលអោយប៉ះពាល់សណ្ដប់ធ្នាប់បេនឡានតាក់ស៊ីមួយចំនួនមិនបានចូលបេន។
ដោយឡែកពាក់ព័ន្ធការចោទប្រកាន់ខាងលើនេះពុំមានខាងភាគីថៅកែបេន ឬអាជ្ញាធរមួយណាបញ្ជាក់អោយកាន់តែជាក់ច្បាស់ឡើយ៕ ដោយ មែន កំសត់
ចំនួនអ្នកទស្សនា
- ថ្ងៃនេះ13521
- ម្សិលមិញ20231
- សប្តាហ៍នេះ92601
- ខែនេះ114481
- ឆ្នាំនេះ114481
- សរុប20556937